Rudaad-e-muhabbat kya kahiye kuch yaad rahii kuch bhool gaye
do din ki masarrat kya kahiye kuch yaad rahi kuch bhuul gaye
Jab jaam diya tha saaqi ne jab daur chala thaa mahafil mein
vo hosh kii sa’at kya kahiye kuch yaad rahi kuch bhool gaye
Ehsaas ke maikhaane mein kahaan ab
fikr-o-nazar ki qandiilen
aalam ki shiddat kya kahiye kuch yaad rahi kuch bhool gaye
Ab apani haqiqat bhi Sagar berabt kahaani lagati hai
duniyaa ki haqiqat kya kahiye kuch yaad rahi kuch bhool gaye
